स्पेन । स्पेनका प्रधानमन्त्री मारिआनो राखोइले क्याटलोनियाको क्षेत्रीय संसद भंग गरेका छन् । क्याटलोनियाको क्षेत्रीय संसदले स्पेनबाट स्वतन्त्र हुने घोषणा गरेपछि प्रधानमन्त्री मारिआनो राखोइले संसद र सरकार भंग गरेका हुन्।
संसद भंग गरेसँगै क्याटलोनियामा थप संकट उत्पन्न भएको बिबिसिले जनाएको छ ।
प्रधानमन्त्री मारिआनो राखोइले क्याटनलानका प्रहरी प्रमुखलाई समेत बर्खास्त गरेको बताएका छन् ।
क्याटलोनियाको क्षेत्रीय संसदले शुक्रबार स्पेनबाट स्वतन्त्र हुने घोषणा गरेसँगे प्रधानमन्त्री मारिआनो राखोइले यस्तो निर्णय गरेका हुन् ।
प्रधानमन्त्री मारिआनो राखोइले क्याटलान प्रशासनलाई भंग गर्न सिनेटको अनुमति मागेका थिए। सिनेटरहरुले सो प्रस्तावलाई अनुमोदन गरेका थिए।
गत अक्टोबर १ मा स्पेनबाट स्वतन्त्र हुनेपक्षमा क्याटलोनियाले विवादास्पद जनमत संग्रह गरेको थियो।
