सूदूर ब्यूरो । नेकपा एमालेका स्थानीय कार्यकर्ताले भारतीय राजदूत रञ्जीत रेलाई कैलालीमा कालोझण्डा देखाएका छन् । उनीहरुले कालो झण्डा देखाउँदै विथोल्ने प्रयास गरेको स्थानीय प्रशासनले जनाएको छ । एकाएक कार्यक्रममा कालोझण्डा देखाएपछि उद्घाटनस्थलमा तनाव सिर्जना भएको थियो ।
हुलाकी राजमार्गको उद्घाटन गर्न धनगढी आएका राजदूत रेमाथि एमाले नेता कार्यकर्ताले ‘भारतीय विस्तारवाद मुर्दावाद, आन्तरिक मामिलामा हस्तक्षेप बन्द गर’ जस्ता नारा लगाउँदै कालो झण्डासहित देखाएका थिए ।
कालोझण्डा देखाएर कार्यक्रम विथोल्न थालेपछि नेपाल प्रहरीले एमाले जिल्ला सदस्य दिर्घ जोशीसहित ६ जनालाई पक्राउ गरेको छ । एमालेका कार्यकर्ताले कालो झण्डा देखाएपछि एक छिन निकै तनाव भएको थियो । आक्रोसित प्रर्दशनकारीले भारतले नेपालमाथि हस्तक्षेप गरेको भनदै नाराबाजी गरेका थिए ।
उक्त हुलाकी मार्गको भौतिक योजना तथा यातायात मन्त्री रमेश लेखक र भारतीय राजदूत रेले संयुक्त रुपमा राजमार्गको उद्घाटन गरेका थिए ।
