काठमाडौं । नेपालबाट मधेशलाई अलग देश बनाउनका लागि स्वतन्त्र मधेस अभियान संचालन गर्दै आइरहेका सीके राउतलाई प्रहरीले पक्राउ गरेको छ । उनलाई बिहीबार दिउँसो जनकपुर माछाबजार नजिकै कोठामा छापा मारेर प्रहरीले राउतलाई पक्राउ गरेको हो । राउतविरुद्ध राज्य विप्लवको मुद्दा लगाउने तयारी छ । जसका लागि मुद्दा चलाउन काठमाडौंस्थित विशेष अदालत ल्याउनुपर्छ ।

राज्य विरुद्धको अपराध र सजाय ऐन २०४६ मा उल्लेखित राज्य विप्लवको अपराध वा उद्योग गरेको ठहरिए राउतलाई जन्मकैद वा १० वर्षसम्म कैद सजाय तथा दुबै हुन्छ । उनमाथिको आरोप प्रमाणित भए राउतलाई जन्मकैद हुनेछ ।

स्थानीय प्रशासनको अघि नै माघ ५ गते राउतले सिराहाको लाहानमा सार्वजानिक सभा गरेका थिए । जसमा उनले नेपाल विरुद्ध अभिव्यक्ति दिएका थिए । उक्तमा कार्यक्रममा जनसाधारणको ठूलो संख्यामा उपस्थिति रहेको दाबी गरिएको छ ।

कार्यक्रम गर्न दिने स्थानीय प्रशासनले उनको नाममा पक्राउ पूर्जी जारी गरेको छ । र, उनलाई सिराहा नै पठाइने जिल्ला प्रहरी कार्यालय धनुषाले जनाएको छ ।