ताइवानले समलिंगी विवाहलाई मान्याता दिएको छ । शुक्रबार ताइवानको संसदले समलिंगी विवाहसम्बन्धी कानुन पास गरेको हो ।
समलिंगी विवाहसम्बन्धी कानुन पास भएपछि अधिकारकर्मीहरू ताइवानको संसदबाहिर खुसी प्रकट गर्दै प्रदर्शन गरिरहेका छन् । यो कानुन सरकारले प्रस्ताव गरेको थियो ।
सत्तारूढ डेमोक्रेटिक प्रोग्रेसिभ पार्टीका बहुमत सदस्यले समलिंगी विवाहको पक्षमा मतदान गरेका थिए । समलिंगी विवाहको पक्षमा ताइवानी संसदका ६६ सदस्यले मतदान गरेका थिए भने २७ जना विपक्षमा उभिएका थिए ।
समलिंगी विवाहलाई कानुनी मान्यता दिएको यो कदमले राष्ट्रपति साइ इङ वेनलाई आगामी वर्षको निर्वाचन जित्न कठिन हुने धेरैले अनुमान गरेका छन् । राष्ट्रपति साइले यो दिन ताइवानीहरूले गर्व गर्न लायक दिन भएको बताएकी छन् ।
