धादिङको गङ्गाजमुना गाउँपालिका लताबमा दुई झाँक्रीको हत्या गरेको आरोपमा धादिङ जिल्ला अदालतले २६ जनालाई जेल सजाय सुनाएको छ ।

धादिङ जिल्ला अदालतका न्यायाधीश प्रकाश ढुङ्गानाको इजलासले सजाय सुनाउँदै चार महिलालाई भने सफाइ दिएको छ ।

चौँतीस वर्षीय जितबहादुर तामाङ, ४९ वर्षीय भिमबहादुर तामाङ, ३६ वर्षीय मेमबहादुर तामाङ, ४४ वर्षीय टाडोङ तामाङ, २५ वर्षीय मङ्गले तामाङ, ३४ वर्षीय बमबहादुर तामाङ, २७ वर्षीय विशाल तामाङ, ३८ वर्षीय रामबहादुर तामाङ, अर्का ३६ वर्षीय रामबहादुर तामाङ, १८ वर्षीय अमित तामाङ र अर्का २३ वर्षीय विशाल तामाङलाई जन्मकैद गर्ने फैसला गरिएको अदालतका श्रेस्तेदार नवराज दङ्गालले जानकारी दिए ।

साधारण तारेखमा रहेका सुशीना तामाङ, असारमायाँ तामाङ, कैसाङ तामाङ र तारस्य तामाङलाई घटनामा निर्दोष रहेको भन्दै सफाइ दिइएको छ । गाउँमा झाँक्री लागेर गाउँलेलाई दुःख दिएको आरोपमा २०७५ साउन ५ गते कुटपिटका कारण साइँला भन्ने प्लेक तामाङ र नरुङ तामाङको मृत्यु भएको थियो ।