बैतडीमा गएराती आगलागी हुँदा एकै परिवारका तीन जनाको जलेर मृत्यु भएको छ ।
मृत्यु हुनेमा पुर्चौडी नगरपालिका ५ कुवाकोटका ४५ वर्षीय करे लुहार उनकी ४० वर्षीया श्रीमती ब्रिन्दा लुहार र ८ वर्षीय छोरा मनोज लुहार रहेका बैतडीका प्रहरी नायव उपरीक्षक नेत्रमणी गिरीले जानकारी दिए ।
पुर्चौडी नगरपालिका ५ कुवाकोट घर भएका उनीहरु पुर्चौडी नगरपालिका वडा नम्बर सात बसपार्कमा टहरा बनाई बस्दै आएका थिए । बुधबार राति खाना खाई टहरामा सुतेका उनीहरुको चुलोको आगो एक्कासी सल्केर आगलागी हुँदा जलेर मृत्यु भएको प्रहरीले जनाएको छ ।
बुधबार राति करीब पौने १० बजेतिर आगो लागेको भएपनि करे लुहारको परिवारलाई भने बचाउन नसकिएको जिल्ला प्रहरी कार्यालय बैतडीले जनाएको छ ।
