बेलायती प्रधानमन्त्री टरिजा मे ले आगामी जुन ७ मा सत्ताधारी कन्जरभेटिभ पार्टीको नेताको पदबाट राजीनामा दिएर नयाँ प्रधानमन्त्री चयनका लागि बाटो खोलिदिने बताएकी छन् ।
डाउनिंग स्ट्रिटबाट एउटा भावुक बक्तव्य दिंदै उनले सन् २०१६ मा भएको ईयू सदस्यता सम्बन्धी जनमत संग्रहको नतिजालाई सम्मान गर्न उनले आग्रह गरिन् । तर ब्रेक्जिट भनिने ब्रिटेन युरोपेली संघ, ईयूबाट बाहिरिने प्रकृया सम्पन्न गर्न नस्कनु “गहिरो खेद“ को विषय भएको पनि उनले बताइन् ।
टरिजा मे ले कन्जरभेटिभ पार्टीभित्र नयाँ नेतृत्व चयनको प्रकृया सम्पन्न नहुन्जेल आफूले प्रधानमन्त्रीको पद सम्हालिरहने पनि बताएकी छन् ।
उनले आगामी जुन ७ तारिखका दिनमा पार्टी नेताको पद त्याग्ने छिन् र त्यसपछिको अर्को हप्ता नयाँ पार्टी नेतृत्व चयनको प्रकृया आरम्भ हुनेछ ।
