उर्जा, जलस्रोत तथा सिंचाईमन्त्री वर्षमान पुनले उर्जाको माग र वितरणलाई सन्तुलन गर्न क्षेत्रीय उर्जा कनेक्टिभिटि आवश्यक रहेको बताएका छन् ।
अमेरिकाको न्यूयोर्कमा राष्ट्रसंघीय फोरमलाई सम्बोधन गर्दै मन्त्री पुनले पाँच वर्षभित्र नेपालले सिमापार उर्जा व्यापार गर्ने र त्यसका लागि पाँच हजार मेगावाट विद्युत उत्पादन भइरहेको बताए । मन्त्री पुनले ‘सबैका लागि दीगो उर्जाको संयुक्त राष्ट्र दशकको कार्यान्वयन सम्बन्धी उच्च स्तरीय संवाद’ फोरमलाई सम्बोधन गरेका हुन् ।
उर्जाको माग र वितरणलाई सन्तुलन गर्न क्षेत्रीय उर्जा कनेक्टिभिटि आवश्यक रहेको भन्दै मन्त्री पुनले नेपालले भारतसँग विद्युत व्यापार सम्झौता गरिसकेको तथा चीन र बंगलादेशसँग पनि सिमापार विद्युत व्यापारका लागि समझदारी गरेको बताए ।
नेपालले आगामी पाँच वर्षभित्र आन्तरिक खपतका लागि १० हजार मेगावाट र सिमापार व्यापारका लागि अर्को पाँच हजार मेगावाट विद्युत उत्पादन गर्ने मन्त्री पुनले बताए ।
