नेपाली कांग्रेसका नेता गगन थापाले जनताबाट निर्वाचितबाटै प्रजातन्त्र खतरामा परेको बताएका छन् ।
पार्टीको जनजागरण अभियान अन्तरगत काठमाडौंमा भएको कार्यक्रममा नेता थापाले जनताका प्रतिनिधिले नै प्रजातन्त्रको उपहास गर्दै प्रजातान्त्रिक व्यबस्थालाई खतरातर्फ धकेलेको बताए ।
उनले प्रधानमन्त्रीले राज्यका सबै निकायलाई आफ्नो बलमा नियन्त्रण लिन खोजेको भन्दै आपत्ति जनाएका थिए । संघीयता चलाउन वर्तमान सरकारले नसकेको आरोप लगाउँदै थापाले केन्द्र चलेर मात्रै संघीयता कार्यान्वयन नहुने बताए ।
पार्टीको आन्तरिक विषयमा आफ्ना गल्तीलाई मनन् गर्दैै सच्चिए मात्रै कांग्रेस बलियो हुने बताए । कांग्रेस नेता बालकृष्ण खाँडले जनतामा निराशा छाएको र त्यसकै कारण फेरि मुलुक द्वन्द्वमा जान सक्नेतर्फ संकेत गर्दै यसमा सचेत हुन आग्रह गरे ।
भ्रष्टाचार र सार्वजनिक जग्गा हिनामिना गर्न जनताले बहुमत नदिएको भन्दै उनले स्वतन्त्र पत्रकारिता र लोकतन्त्र एउटै शिक्काको दुई पाटा भएका बताए । उनले अहिले आएका विधेकहरु मान्य नहुने भन्दै संसदमा अल्पमतमा परेपनि कांग्रेसलाई स्वीकार्य नहुने बताए ।
