यो वर्ष सगरमाथा आरोहणका क्रममा अहिलेसम्म नेपाल तर्फको मार्ग प्रयोग गरेका मध्ये ८ जनाको मृत्यु भएको छ ।
पछिल्लो जानकारी अनुसार आरोहणको क्रममा ८ जनाको निधन भएको पुष्टि भएको पर्यटन विभागकी पर्वातारोहण निर्देशक मीरा आचार्यले जानकारी दिए । नेपालमा पर्वातोरोहण एजेन्सीहरुले चीन तर्फको मार्गबाट पनि आरोही पठाउने गरेका छन् ।
यसरी नेपाली एजेन्सी मार्फत गएका मध्ये चीन तर्फको मार्गमा कम्तिमा दुईजनाको ज्यान गएको छ । तर नेपाल तर्फको मार्ग प्रयोग गरेर गएका मध्ये ८ जनाको निधन भएको अहिलेसम्मको जानकारी रहेको निर्देशक आचार्यले बताए ।
अरु केही बेपत्ता भएको खबर रहे पनि उनीहरुको अवस्थाबारे स्पष्ट नभएको उनको भनाई छ ।
