नेपाली कांग्रेसले गणतन्त्र दिवस विभिन्न कार्यक्रम गरी मनाउने भएको छ ।
केन्द्रीय नीति, अनुसन्धान तथा प्रशिक्षण प्रतिष्ठानको आइतबार बसेको बैठकले जेठ १४ देखि १६ गतेसम्म प्रभातफेरी, अन्तरक्रिया लगायत कार्यक्रम गरी गणतन्त्र दिवस मनाउने निर्णय गरेको हो ।
बैठकपछि प्रतिष्ठानका कार्यकारी निर्देशक पुरुषोत्तम दाहालले विज्ञप्ति जारी गरी जेठ १४ गते ‘गणतन्त्रको एक दशक’ विषयक अन्तरक्रिया, १५ गते ७७ वटै जिल्लामा प्रभातफेरी र बेलुकी मुख्य चोकहरुमा दीप प्रज्वलन गर्ने र १६ गते ‘संघीयता कार्यान्वयन’ विषयका अन्तरक्रिया कार्यक्रम आयोजना गर्ने निर्णय भएको जानकारी दिए ।
काठमाडौं उपत्यकामा भने बिहान बिहान साढे ६ बजे शान्ति बाटिकाबाट प्रभातफेरी प्रारम्भ गर्दै सहरका विभिन्न चोक परिक्रमा गरी पुनः शान्ति बाटिका कार्यक्रम समापन गरिने छ ।
साथै, साँझ साढे ६ बजे शान्ति बाटिका दिप प्रज्ज्वलन गरिने विज्ञप्तिमा जनाइएको छ ।
