सत्तारुढ नेपाल कम्युनिष्ट पार्टीका अध्यक्ष पुष्पकमल दाहाल प्रचण्डले पार्टीभित्र सबै नेताहरुलाई व्यवस्थापन गर्न मुस्किल भइरहेको बताएका छन् ।
१७ औँ कृष्ण सेन स्मृति दिवस समारोहलाई सम्बधोन गर्दै अध्यक्ष प्रचण्डले पार्टीभित्र गुटगत व्यवहार मौलाउँदै गएको र नेताहरु महत्वकांक्षी हुँदा व्यवस्थापनमा कठिनाई उत्पन्न भइरहेको बताए ।
अहिले सघीय लोकतान्त्रिक पद्धतिलाई गुणात्मक रुपमा संस्थागत गर्न जरुरी रहेको भन्दै उनले समाजवाद निमार्णको आधार तयार गर्न विचारलाई संघीय लोकतान्त्रिक गणतन्त्रात्मक रुपमा विकसित गर्न आवश्यक रहेको बताए ।
उनले मौलिक हकअधिकारको कुरा संविधानमा राख्ने कुरा जनताले दिएको जिम्मेवारी अनुसार राजनीतिक दलले राखेकाले त्यसलाई परिमार्जन गर्न सकिने बताए । उनले संविधानको मर्म र भावना विपरित ऐन र कानुन नबनाइने बताए ।
उनले आवश्यक परे संविधान संशोधन गरिने बताए । विचारहिन पार्टी एकता भएको हो कि भन्ने कसैलाई लागेको छ भने त्यो गलत भएको उनको भनाई थियो ।
