तेस्रो संस्करणको प्रधानमन्त्री कप एकदिवसीय राष्ट्रिय एकदिवसीय क्रिकेट प्रतियोगितामा प्रदेश ३ ले लगातार दोस्रो जित निकालेको छ ।

मंगलबार कीर्तिपुरस्थित त्रिवि मैदानमा भएको खेलमा गण्डकी प्रदेशलाई ७ विकेटले हराउँदै उसले दोस्रो जित निकालेको हो । पहिलो खेलमा एपीएफसँग ४१ रनले पराजित हुँदै खराव सुरुवात गरेको प्रदेश ३ ले दोस्रो खेलमा प्रदेश ५ लाई हराएको थियो ।

टस जितेर पहिले ब्याटिङ गरेको गण्डकी प्रदेशले ३० ओभर १ बलमा अल आउट हुँदै १ सय ८ रन बनायो । गण्डकी प्रदेशले दिएको १ सय ९ रनको सामान्य लक्ष्य पछ्याएको प्रदेश ३ ले २२ ओभर २ बलमा ३ विकेट गुमाउँदै लक्ष्य पूरा गरेको थियो । प्रदेश ३ का लागि आदिल खानले सर्वा्धिक ३८ रनको योगदान गरे ।

त्यस्तै इशान्त पाण्डे २६ रन जोड्दा रित गौतमले २० रन तथा रोविन जैशीले ११ रन बनाए । बलिङतर्फ गण्डकी प्रदेशका किशोर महत्वले दुई र विपिन खत्रीले एक विकेट लिए । यसअघि १ सय ८ रन बनाएको गण्डकी प्रदेशका लागि सुम घिमिरेले सर्वा्धिक ३४ रनको योगदान गरे ।

त्यस्तै आकाश थापाले २८ रन जोड्दा राहुल शर्माले १२ रनको योगदान गरे । प्रदेश ३ का लागि कप्तान पारस खड्का र सूर्य तामाङले समान चार चार विकेट लिए । त्यस्तै नन्दन यादवले दुई विकेट लिए ।