प्रधानमन्त्री केपी शर्मा ओली भारतीय प्रधानमन्त्री नरेन्द्र मोदीको सपथग्रहण समारोहमा सहभागी हुन बिहीबार नयाँदिल्ली जाँदैछन् ।
प्रधानमन्त्री दिउँसो १ः३५ बजेको उडानबाट दिल्ली जाने सचिवालयले जनाएको छ । आजै साँझ ७ बजे भारतीय मोदीको सपथग्रहण समारोह रहेको बताइएको छ ।
मोदीको सपथग्रहण समारोहमा विमस्टेक राष्ट्रका सरकार तथा राष्ट्र प्रमुखहरुलाई पनि बोलाइएको छ । तर, पाकिस्तानका प्रधानमन्त्रीलाई भने बोलाइएको छैन । यसअघि मोदीको पहिलो कार्यकालको सपथग्रहण समारोहमा दक्षिण एसियाली मुलुकका सरकार प्रमुखलाई बोलाइएको थियो ।
मोदीको सपथग्रहण समारोहमा सार्क मुलुकभित्रै पर्ने पाकिस्तान, अफगानिस्तान र मालदिभ्सका सरकार प्रमुखलाई निम्ता नदिइएको भारतीय सञ्चारमाध्यमहरुले जनाएका छन् । प्रधानमन्त्री ओली शुक्रबार नेपाल फर्कने कार्यक्रम रहेको छ ।
