नेपालमा होटल तथा पर्यटन व्यवसायका अगुवा प्रभाकर समशेर राणाको निधन भएको छ । ८४ वर्षीय राणाको न्युयोर्कस्थित अस्पतालमा बिहीबार राति निधन भएको हो ।
नेपालको पहिलो अन्तर्राष्ट्रिय स्तरको सोल्टी होटलका संस्थापक राणा विगत एक वर्षदेखि अस्वस्थ थिए र उपचारार्थ न्युयोर्कमा नै रहँदै आएका थिए ।
नेपाल सरकारका तर्फबाट सुबिख्यात त्रिशक्ति पट्ट र प्रशिद्ध प्रबल गोरखा दक्षिण बाहुसहित उनले बेलायत सरकारबाट ‘अफिसर अफ द मोस्ट एक्सलेन्ट अर्डर अफ द ब्रिटिस इम्पायर’ पदक प्राप्त गरेका थिए ।
नेपालमा सोल्टी होटलसहित सूर्य इन्टरप्राइजेज, हिमालय गोड्रिक, सूर्य टोबाको, हिमाल इन्टरनेशलन पावर कर्पाेरेशन लिमिटेट तथा सिप्रदी टे«डिङ जस्ता सफल कम्पनीहरुको स्थापना र नेतृत्व उनले गरेका थिए ।
