प्रमुख प्रतिपक्षी दल नेपाली कांग्रेसका सांसद गगन थापाले सरकार एकपछि अर्को नागरिकका अधिकार कुण्ठित हुने गरी कानून बनाउन लागेको आरोप लगाएका छन् ।

आइतबार प्रतिनिधिसभाको विशेष समयमा सांसद थापाले सूचना प्रविधि विधेयक, गुठी विधेयक लगायतका विधेयक नागरिकको अधिकारलाई समाप्त पार्ने गरी सरकार अघि बढेको आरोप लगाए । थापाले बेलायतको अक्सफोर्ड विश्वविद्यालयमा प्रधानमन्त्री केपी शर्मा ओलीले आफूलाई अभिव्यक्ति स्वतन्त्र कस्तो हुन्छ भन्ने थाहा भएको बताए पनि देशभित्र भने उल्टो व्यवाहार गरेको अरोप लगाए ।

उनले सूचना प्रविधि विधेयकमा अमुर्त प्रावधान राखेर सामाजिक सञ्जालमा सामान्य प्रतिक्रिया जनाउँदा पनि जेल जानुपर्ने अवस्था आउन लागेको भन्दै सबैलाई सचेत रहन आह्वान गरे ।

विधेयक जस्तोको त्यस्तै पारित भएमा नेकपाका कार्यकर्ता मात्र सुरक्षित रहने उनको भनाई थियो । उनले विधेयक जस्ताको त्यस्तै पारित भए अब यहाँ सरकारका अरिंगालहरु मात्र सुरक्षित रहने बताए ।