पुष्कर खड्का
रामेछापमा सुखी नेपाली,समृद्ध नेपालका लागि भ्रष्टाचार विरुद्धको अभियान रामेछापमा शुरु भएको छ ।
रामेछापको मन्थली नगरपालिका वडा नं १ का यमबहादुर थापाले उक्त अभियानको शुरुवात गरेका छन् ।
आईतबार सदरमुकाम मन्थली देवकोटा चोकमा भगवान् शिवशंकरको मुर्ति स्थापना सँगसँगै मुर्तिलाई प्रमुख अतिथि बनाएर अभियानको शुरुवात गरिएको अभियान्ता यमबहादुर थापाले जानकारी दिए ।
स्थानीय तहमा हुने भ्रष्टचार, अनियमिततालाई रोक्न,नियन्त्रण गर्न नेपालको ७७ जिल्लामै भ्रष्टाचार विरुद्धको अभियान सञ्चालन गर्ने अभियान अन्र्तगत आफ्नै जिल्ला रामेछापबाट शुरु गरिएको उनको भनाई छ ।
यो अभियानमा देशभरको ४४ हजार भन्दा बढी अभियान्ताहरु लागी परेको र वडा,नगरपालिका,गाउँपालिकालाई भ्रष्टाचारमुक्त बनाउन चाहनेहरुले यो अभियानमा साथ दिने सक्ने उनले बताए।
उक्त कार्यक्रममा लगभग ५ सय जनाभन्दा बढीको सहभागीता रहेको कार्यक्रम आयोजक एवम् अभियान्ता थापाले बताए ।
