हङकङको संसद भवनमा प्रवेश गरेका प्रदर्शनकारीलाई त्यहाँबाट हटाउनका लागि प्रहरीले अश्रु ग्यास प्रहार गरेको छ ।
हङकङको सार्वभौमसत्ता बेलायतबाट चीनमा हस्तान्तरण भएको दिनको सम्झनामा सोमबार विशाल प्रदर्शन भएको हो ।
प्रदर्शनकारी सोमबार बेलुका हङकङको संसद भवनमा प्रवेश गरी केही घण्टा आफ्नो नियन्त्रणमा लिएका थिए । प्रहरीले अश्रु ग्यास प्रयोग गरी प्रदर्शनकारीलाई तितरवितर पारेको बिबिसीले उल्लेख गरेको छ ।
हङकङ सरकारले प्रस्ताव गरेको सुपुर्दगी सम्बन्धी विधेयकको विरोधमा केही हप्तादेखि प्रदर्शन हुँदै आएको छ । सरकारले विधेयक फिर्ता लिए पनि प्रदर्शन रोकिएको छैन । विधेयकका कुनै पनि अभियुक्तलाई चीन सुपुर्दगी गर्न सकिने व्यवस्था थियो । यसले देशको सर्वाभौमसत्ता कमजोर हुने र चीनको प्रभाव बढ्ने विपक्षीले बताउँदै आएका छन् ।
सोमबार सुरुमा शान्तिपूर्ण प्रदर्शन भएको थियो । प्रदर्शनकारीले प्रहरी दमनबारे छानबिन गर्नका लागि स्वतन्त्र कमिटि बन्नु पर्ने पनि माग गरेका छन्
