नेपाल ओलम्पिक कमिटीको अध्यक्षमा जीवनराज श्रेष्ठ निर्वाचित भएका छन्ु ।
नेपाल ओलम्पिक कमिटीको शनिबार ललितपुरका सातदोबाटोस्थित कमिटीको कार्यालयमा सम्पन्न निर्वाचनमा अर्का प्रतिस्पर्धी उमेशलाल श्रेष्ठलाई ७ मत अन्तरले पराजित गर्दै श्रेष्ठ विजयी भएका हुन् ।
जीवनराम यस अघि पनि कमिटीको अध्यक्ष ुभएका थिए । महासचिवमा जीवनराम प्यानलकै निलेन्द्रराज श्रेष्ठ विजयी हुनुभएको छ । महासचिव श्रेष्ठ १५ मत पाएर विजयी भएका हुन् ।
उनका प्रतिस्पर्धी पुरेन्द्र विक्रम लाखेले १२ मत पाएका थिए । निर्वाचनमा सबैभन्दा बढि २६ मत पाएर ज्योति राणा उपाध्यक्षमा निर्वाचित थिए । त्यसैगरी सुनिलकुमार श्रेष्ठ, तेजबहादुर गुरुङ, अशोकरत्न बज्राचार्य र चतुरानन्नराज बैद्य पनि उपाध्यक्षमा निर्वाचित हुनु भएको निर्वाचन आयोगका संयोजक लोकभक्त राणाले जानकारी दिए ।
उपमहासचिवमा पिताम्बर तिम्सिना र कोषाध्यक्षमा रतनकुमार टण्डन विजयी भएक थिए । त्यसैगरी सचिव पदमा तुलसी थापा, रामजीबहादुर श्रेष्ठ र दीपकहर्ष बज्राचार्य विजयी भएक छन् । राष्ट्रिय खेलकुद परिषदका पूर्व सदस्य सचिव समेत रहेका केशवकुमार विष्ट भने सचिवमा पराजित भएक छन् ।
यसैबीच, नवनिर्वाचित नेपाल ओलम्पिक कमिटीका अध्यक्ष जीवनराम श्रेष्ठले नेपालको खेलकुद क्षेत्रको विकासमा आफू नेतृत्वको टीमले सक्दो काम गर्ने प्रतिवद्धता व्यक्त गरे । उनले निर्वाचनमा जीत–हार स्वभाविक हुने उल्लेख गर्दै सबैले मिलेर मुलुकको खेलकुद क्षेत्रको विकासमा लाग्नुपर्ने पनि स्पष्ट पारे ।
