भक्तपुरको लोकन्थलीस्थित पूर्वसंचारमन्त्री गोकुल बाँस्कोटाको घरमा बम विस्फोट भएको छ ।
बुधबार बिहान घरको पूर्वतर्फको पर्खालमा राखिएको बम विस्फोट हुँदा गेटमा क्षति पुग्नुका साथै झ्यालको सिसा पनि फुटेका छन् ।
विस्फोटबाट बाँस्कोटाको घरसँगै रहेका अरु तीन वटा घरमा पनि सामान्य क्षति पुगेको छ। साथै बाँस्कोटाको घर अगाडि रहेको एउटा भ्यानमा पनि विस्फोटबाट क्षति पुगेको छ।
घटनाबारे अनुसन्धान भइरहेकाले महानगरीय प्रहरी परिसर भक्तपुर र महानगरीय प्रहरी वृत्त ठिमीले जनाएको छ ।
बास्कोटा भने प्रधानमन्त्री केपी शर्मा ओलीको घरमा बस्दै आएका छन् । सेक्युरिटी प्रिन्टिङ प्रेस खरिद प्रकरणमा ७० करोड घुस मागेको अडियो सार्वजनिक भएपछि बास्कोटाले हालै संचारमन्त्रीबाट राजीनामा दिएका थिए ।
