बझाङ । भारतबाट घर फर्केका एक २४ वर्षिया युवालाई बझाङ जिल्ला अस्पतालको आइसोलेसन वार्डमा राखिएको छ । उनी भारतको म्याङलोरबाट घर फर्केको बताएका छन् । डा. सन्दिप कुमार ओखेडाका अनुसार उनलाई बझाङमा बसपार्कस्थित सिमखेत हेल्थ डेस्कमा ज्वरो नापेपछि कोरोनाको आशंकामा आइसोलेसन भर्ना गरिएको जनाइएको हो ।
उनलाई कोभिड १९को भए नभएको परिक्षणको लागि स्वाब परिक्षणका लागि चैत्र १३ गते काठमाडौ पठाउने जनाइएको छ । अहिले उनको अवस्था समान्य रहेको जनाइएको छ । उनलाई ११ गतेबाट ज्वरो आएको जनाइएको छ । बझाङमा यसरी आइसोलेसनमा राखिएको यो पहिलो घटना हो ।
भारतबाट घर आउनेको संख्या निकै बढी रहेको स्थानीयले जनाएका छन् । परिक्षण अभावको कारण उनीहरुको अवस्था थाहा हुन सकेको छैन् । तर गाउँभरी त्रास फैलिएको एक स्थानीयले जनाएका छन् ।
File photo
