अमेरीका । अमेरिकामा कोरोनाबाट मर्नेको संख्या दुई हजार नाघेको छ । एक दिनमा २ हजार भन्दा बढी मर्नेको संख्या पुगेको यो भएको पहिलो पटक हो । गएको २४ घण्टामा अमेरिकामा मात्र २ हजार १ सय ८ जनाको ज्यान गएको जोन्स होप्किन्स विश्वविद्यालयले जनाएको छ । अमेरिकामा मात्र ५ लाख १ हजार १५ जनामाथि कोरोना पोजेटिभ भएको जनाईएको छ ।

विज्ञहरुले गरेको अनुमान अनुसार अमेरिका कम्तिमा २ लाख भन्दा बढीको मृत्यु हुने अनुमान गरेको थिए । तर यही गतिमा कोरोना संक्रमण र मृत्युदर बढेमा अनुमान संख्या नजिक पुग्ने आँकलन गरिदैछ । यो भन्दा पहिले अमेरिकी राष्ट्रपति डोनाल्ड ट्रम्पले कोरोनाबाट मर्नेको संख्या १ लाखमै रोक्न सके ठूलो उपलब्धि हुने बताएका थिए ।

अहिलेसम्म कोरोनाबाट अमेरिकामा १८ हजार ६ सय ९३ जनाको मृत्यु भइसकेको छ । जसमा सबैभन्दा बढी न्यूवर्कमा ५ हजार ८ सय २० पुगेको छ ।

हालसम्म विश्वभरी कोरोनाबाट मर्नेको संख्या १ लाख ३ हजार ५ सय ३६ पुगेको होप्किन्स विश्वविद्यालयले जनाएको छ । र, १७ लाख ९ हजार १४ जना विश्वभरी संक्रमित भएका छन् ।

Photo: Reuters