काठमाडौं । सरकारले लकडाउन भएपछि २० दिनको अवधिमा ठूलो मात्रामा उल्लंघन गर्नेमाथि कारबाही गरेको छ । अहिलेसम्म ४ हजार भन्दा बढी सर्वसाधारणलाई कारबाही गरेको छ । यस्तै ७ हजार ५ सय सवारी साधानमाथि कारबाही गरिएको छ ।नेपा प्रहरीका अनुसार लकडाउनको समयमा जबरजस्ती गर्नेहरुमाथि मात्र कारबाही गरिएको छ । उनीहरुलाई सम्झाइ बुझाई छोडिएको बताइएको छ ।
महानगरीय ट्राफिक प्रहरी महाशाखा प्रमुख भीमप्रसाद ढकालका अनुसार, राहत र खाद्य ढुवानीका सवारी बढी सञ्चालनमा आएका छन् । विशेष गरी ‘रिङरोड’ वाहिरका बस्तीहरूमा ईबैंकिङ तथा बैकिङ सेवा सहज नहुँदा मुख्य शहरमा सेवाग्राहीको उपस्थिति बाक्लो देखिएको हो ।

नयाँवर्षको शुभारम्भसंगै बैशाख १ गते सोमवारबाट काठमाडौं उपत्यका लकडाउनमा थप कडाई गरिने निर्णय गरिएको छ । महानगरीय प्रहरी कार्यालय रानीपोखरीमा बसेको बैठकले यस्तो निर्णय गरेको हो ।

राहत वितरणमा स्थानीय तहसंग समन्वय र सहजीकरण गर्ने तथा लकडाउनलाई थप प्रभावकारी बनाउने विषयमा छलफल भएको छ, महानगरीय प्रहरी प्रमुख विश्वराज पोखरेलले भन्नुभयो–सर्वसाधारणको स्वास्थ्य तथा शान्ति सुरक्षाका लागि कडा गरिएको बताए ।

लकडाउनमा कडाइ गरिएसंगै उपत्यका छोड्नेहरूको संख्या बढ्दै गएको छ । यसैबीच, ट्राफिक महाशाखाले प्रत्येक ट्राफिक प्रहरी वृत्त र प्रभागमा माक्स, सेनिटाइजर र पन्चाहरू वितरण गरेको छ ।