विश्वभर महामारीका रुपमा फैलिएको कोरोना भाइरसको संक्रमणबाट मृत्यु हुनेको संख्या १ लाख ४५ हजार ५ सय २१ पुगेको छ ।
संक्रमितको संख्या २१ लाख ८२ हजार १ सय ९७ पुगेको छ । जसमध्य ५ लाख ४७ हजार २ सय ९५ जना उपचारपछि घर फर्किएका छन् ।
अहिले १४ लाख ८९ हजार ३ सय ८१ जना विभिन्न अस्पतालमा उपचाररत छन् । जसमध्ये ५६ हजार ६ सय २ को अवस्था गम्भीर छ ।
अमेरिकामा पछिल्लो २४ घण्टामा २ हजार १ सयभन्दाबढीले ज्यान गुमाएका छन् । योसँगै मृत्यु हुनेको संख्या ३४ हजार ६ सय १७ पुगेको छ ।
अमेरिकामा एकैदिन २९ हजार १ सय ७७ बढीमा संक्रमण देखिएसँगै संक्रमित हुनेको संख्या ६ लाख ७७ हजार ५ सय ७० पुगेको छ ।
त्यस्तै स्पेनमा कोरोनाका कारण मृत्यु हुनेको संख्या ३ सय १५ पुगेको छ । १ लाख ८४ हजार ९ सय ४८ संक्रमित भएका छन् ।
यस्तै इटलीमा २२ हजारभन्दा धेरै, फ्रान्समा साढे १७ हजार ९ सयभन्दा धेरैको ज्यान गएको छ । यस्तै भारतमा कोरोना सङ्क्रमणका कारण ज्यान गुमाउनेको सङ्ख्या चार सय ४८ पुगेको छ भने १३ हजारभन्दा धेरैमा सङ्क्रमण पुष्टि भएको छ ।
