काठमाडौं । नेपाल विद्यार्थी संघले सरकारले ल्याएका दुई अध्यादेश फिर्ता गर्न माग ग्दै शुक्रबार देशभर विरोध प्रदर्शन गरेको छ । काठमाडौं उपत्यकासहित देशैभर पाँच पाँचजना जम्मा भएर विरोध प्रदर्शन गरिएको हो ।
सरकारले हालै मात्र राजनीतिक दल विभाजन सहज बनाउने र विपक्षी दलको नेता उपस्थित नहुँदा पनि बैठक बसी निर्णय गर्न सक्ने गरी संवैधानिक परिषद् सम्बन्धी अध्यादेश ल्याएको विरोधमा नेविसंघको विरोध प्रदर्शन गरेको हो ।
नेविसंघका अध्यक्ष राजीब ढुंगानाले सरकारले ल्याएका दुबै अध्यादेश फिर्ताको माग गर्दै देशैभर प्रदर्शन गरिएको जानकारी दिए । बिहीबार नेबिसंघका पूर्व अध्यक्ष रन्जित कर्णको नेतृत्वमा विद्यार्थीहरुले नयाँ बानेश्वरस्थित संसद भवन अगाडि प्रदर्शन गरेका थिए ।
कोरोना महामारी रोकथाम गर्नु पर्नेबेलामा देशमा अस्थिरता ल्याउन अधिनायकवादउन्मुख भएर विधेयक ल्याइएकोले विरोध प्रदर्शन गरिएको नेविसंघले जनाएको छ ।
