विश्वभर महामारीका रुपमा फैलिएको कोरोना भाइरसको संक्रमणका कारण मृत्यु हुनेको संख्या २ लाख २८ हजार १ सय ९७ पुगेको छ ।

दुई सय १० देश र दुई वटा अन्तर्राष्ट्रिय पानी जहाजमा भाइरस फैलिँदा ३२ लाख १९ हजार जनाभन्दा बढीमा सङ्क्रमण पुष्टि भएकोमा १० लाख २ सयभन्दा बढी उपचार पछि निको भएर घर फर्किएको वल्डोमिटरले जनाएको छ ।

त्यस्तै सङ्क्रमितमध्ये १९ लाख ९० हजारभन्दा बढीको उपचार भइरहेको छ भने उपचार गराइरहेकामध्ये ५९ हजार ८ सय ११ जनाको अवस्था जटिल रहेको र बाँकीको अवस्था सामान्य रहेको वल्डोमिटरले जनाएको छ ।

पछिल्लो २४ घण्टामा संक्रमणबाट विश्वभर ६ हजार ५ सय ५९ जनाको मृत्यु भएको छ भने ८१ हजार ६ सय ७७ जना संक्रमित भएका छन् । ज्यान गुमाउने र सङ्क्रमित हुनेको सङ्ख्या सबैभन्दा धेरै संयुक्त राज्य अमेरिकामा छ ।

अमेरिकामा गएको २४ घण्टामा मात्रै २३ सयभन्दा बढीको मृत्यस भएको छ । अमेरिकामा मृत्यु हुनेको सङ्ख्या ६१ हजार ६ सय ५६ पुगेको छ । यस्तै १० लाख ६४ हजार १ सय ९४ जनामा सङ्क्रमण पुष्टि भएको छ ।

यस्तै इटलीमा २७ हजारभन्दा बढी, बेलायतमा २६ हजारभन्दा बढी, स्पेन र फ्रान्समा २४ हजारभन्दाबढीको मृत्यु भएको छ ।