विश्वभर महामारीका रुपमा फैलिएको कोभिड–१९ को संक्रमणबाट मृत्यु हुनेको संख्या २ लाख ७० हजार नाघेको छ ।
बितेको २४ घण्टामा ५ हजार ५ सय १२ जनाको मृत्यु भएसंगै मृत्यु हुनेको संख्या २ लाख ७० हजार ७ सय ९ पुगेको हो ।
एकैदिन ९५ हजार भन्दाबढी नयाँ संक्रमित थपिए संगै कोरोनाको संक्रतिको संख्या ३९ लाख १६ हजार २ सय ४४ जना पुगेको हो ।
संक्रमितमध्ये १३ लाख ४१ हजार २ सय ३९ जना उपचारपछि निको भएर घर फर्किएका छन् । २३ लाख ४ हजार २ सय ९६ जनाको विभिन्न अस्पतालमा उपचार भइरहेको छ भने उपचाररत मध्ये ४८ हजार ९ सय ५८ जनाको अवस्था गम्भीर रहेको वल्डोमिटरमा उल्लेख छ ।
त्यस्तै, अमेरिकी मुलुकमा कोरोना संक्रमितको संख्या १२ लाख ९२ हजार ६ सय २३ पुगेको छ । एकैदिन ३२ हजार ९ सय ७ जनामा नयाँ संक्रमण फेला परेको छ । हालसम्म कोरोनाकै कारण ७६ हजार ९ सय २६ जनाले ज्यान गुमाएका छन् ।
दक्षिण अमेरिकी मुलुकमा पनि एकैदिन १५ हजार २ सय ३१ जनामा नयाँ संक्रमण देखिएको छ । योसँगै संक्रमितको संख्या २ लाख ६६ हजार ८ सय ४२ पुगेको छ । मृतकको संख्या १३ हजार ५ सय ३२ पुगेको छ ।
अफ्रिकी मुलुकमा ५५ हजार २ सय ६३ मा कोरोनाको संक्रमण देखिएको छ । अहिलेसम्म २ हजार ८० जनाले ज्यान गुमाएका छन् । अस्ट्रेलियासहित ओसियान मुलुकमा १ सय १८ जनाले ज्यान गुमाएका छन् । हालसम्म ८ हजार ४८९ जनामा संक्रमण देखिएको छ ।
चीनको वुहानबाटा शुरु भएको कोरोना भाइरसको संक्रमण विश्वका २ सय १२ देशमा फैलिएको छ ।
