विश्वभर महामारीको रुपमा फैलिएको कोरोना भाइरसको संक्रमणबाट मृत्यु हुनेको संख्या ३ लाख ८ हजार ४ सय ५० जना पुगेको छ। 

हालसम्म विश्वभर कोरोनाबाट ४६ लाख २४ हजार ३४ जना संक्रमित भएको वर्ल्डओमिटरले जनाएको छ। गएको २४ घण्टामा कोरोनाको कारण विश्वभर ५ हजार ५० जनाको मृत्यु भएको छ भने ९९ हजार १ सय १६ जना नयाँ संक्रमित थपिएका छन्। 

संक्रमित मध्य १७ लाख ५७्र हजार १ सय २८ जना उपचारपछि निको भएरका छन्। २५ लाख ५८ हजार ४ सय ५६ संक्रमितको विभिन्न अस्पतालमा उपचार भईरहेको छ ।  जसमध्ये ४५ हजार ८ जना बिरामीको अवस्था गम्भीर रहेको छ।

कोरोना भाइरसको महामारीले सबैभन्दा बढी अमेरिकामा ८८ हजार ५ सय बढीको मृत्यु भएको छ । संक्रमित १४ लाख ८४ हजार २ सय ८५ जनामध्ये ३ लाख २६ हजार २ सय ४२ जना संक्रमणमुक्त भएका छन् ।