गत वर्षको डिसेम्बर अन्तिमदेखि फैलिएको कोरोना भाइरसको महामारीबाट विश्वभर ३ लाख २० हजार १ सय २५ जनाको मृत्यु भएको छ ।
विश्वका २ सय १३ मुलुक र २ वटा पानीजहाजमा फैलिएको कोरोनाका कारण ४८ लाख ९० हजार ६ सय ८० जना संक्रमित भएका छन् । संक्रमितमध्ये १९ लाख ७ हजार ३ सय ६१ जना उपचार पछि निको भएका छन् । पछिल्लो २४ घण्टामा ३ हजार ३ सय १८ को मृत्यु भएको छ भने ८६ हजार ६ सय ७९ जनामा संक्रमण पुष्टि भएको वल्डोमिटरमा उल्लेख छ ।
२६ लाख ६३ हजार १ सय ९४ जनाको विभिन्न अस्पतालमा उपचार भइरहेको छ । उपचारारत मध्ये ४४ हजार ७ सय ६६ जनाको अवस्था गम्भीर रहेको छ ।
कोरोनाको महामारीको सबैभन्दा बढी प्रभाव अमेरिकामा परेको छ । त्यहाँ ९१ हजार ९ सय ८१ जनाको मृत्यु भएको छ । १५ लाख ५० हजार २ सय ९४ जना संक्रमित भएका छन् ।
यस्तै संक्रमितका आधारमा अमेरिकापछि रुसमा सबैभन्दाबढी २ लाख ९० हजार ६ सय ७८ जना संक्रमित भएका छन् भने २ हजार ७ सय २२ जनाको मृत्यु भएको छ ।
यस्तै,बेलायतमा ३४ हजार ७ सय भन्दा बढी, इृटालीमा ३२ हजार बढी, फ्रान्समा २८ हजार बढी, स्पेनमा २७ हजार बढीको कोरोनाबाट मृत्यु भएको छ ।
