कोरोना भाइरसको संक्रमणका कारण विश्वभर मृत्यु हुनेको संख्या ३ लाख ३४ हजार नाघेको छ ।

पछिल्लो २४ घण्टामा ४ हजार ८ सय ३३ जनाको मृत्यु भएसंगै कुल मृत्यु हुनेको संख्या ३ लाख ३४ हजार ७४ जना पुगेको हो । ५१ लाख ५८ हजार १ सय ७८ संक्रमित मध्य २० लाख ७८ हजार ५ सय भन्दाबढी उपचार पछि निको भएका छन् ।

४५ हजार ६ सय बढी संक्रमितको स्वास्थ्य अवस्था गम्भीर छ भने बाँकीको अवस्था मध्यम रहेको वल्डोमिटरमा उल्लेख छ ।

करिव ५ महिना देखि फैलिएको कोरोनाको महामारीले सबैभन्दा बढी अमेरिकामा ९६ हजार २ सय ९५ जनाको मृत्यु भएको छ ।

पछिल्लो २४ घण्टामा २७ हजार ७ सय ३४ जनामा संक्रमण पुष्टि भएसँगै कुल संक्रमितको संख्या १६ लाख २० हजार ४ सय ५७ पुगेको छ ।

संक्रमितमध्ये ३ लाख ८२ हजार १ सय ६५ जना उपचारपछि निको भएका छन् । उपचार गराइरहेका ११ लाख ४१ हजार ९ सय ९७ जनामध्ये १७ हजार ९ सय २ जनाको अवस्था गम्भीर रहेको छ ।