विश्वभर कोरोना भाइस संक्रमणबाट मृत्यु हुनेको संख्या ३ लाख ४६ हजार ४ सय ३४ पुगेको छ ।

हालसम्म ५४ लाख ९४ हजार ४ सय ५५ जनालाई कोरोना संक्रमण पुष्टि भएको छ । जसमध्ये २२ लाख ९९ हजार ३ सय ४५ जना उपचारपछि निको भएका छन् ।

२८ लाख ४८ हजार ६ सय ७६ जना अझै विभिन्न अस्पतालमा उपचार गरिरहेको वल्डोमिटरले जनाएको छ ।

विश्वकै शक्तिशाली राष्ट मानिएको अमेरिकामा
कोरोनाको कारण अन्य मुलुकको तुलनामा धेरैको मृत्यु भएको छ। कोरोना महामारीले अमेरिकामा मृत्यु हुनेको संख्या ९९ हजार नाघेको छ । पछिल्लो २४ घण्टामा थप ६ सय १७ जनाको मृत्यु भए सँगै कुल मृत्यु हुनेको संख्या ९९ हजार ३०० पुगेको छ ।

पछिल्लो २४ घण्टामा अमेरिकामा १९ हजार ६ सय ८ जनामा संक्रमण पुष्टि भएको छ । योसँगै कुल संक्रमितको संख्या १६ लाख ८६ हजार ४ सय ३६ पुगेको छ । संक्रमितमध्ये ४ लाख ५१ हजार ७ सय २ जना उपचारपछि निको भएका छन् ।

उपचार गराइरहेका ११ लाख ३५ हजार ४ सय ३४ जनामध्ये १७ हजार १ सय ३५ जनाको अवस्था गम्भीर रहेको छ ।