विश्वभर महामारीको रुपमा फैलिएको कोरोना भाइस संक्रमणबाट मृत्यु हुनेको ३ लाख ४७ हजार ८ सय ५४ पुगेको छ ।

हालसम्म ५५ लाख ८६ हजार ९ सय ५४ जनमा कोरोना पुष्टि भएको छ । जसमध्ये २३ लाख ६५ हजार ५ सय ५१ जना कोराना मुक्त भएका छन् । संक्रमितमध्य २८ लाख ७३ हजार ५ सय ४९ जनाको विभिन्न अस्पतालमा उपचार भइरहेको छ भने ५३ हजार १ सय ६७ जनाको अवस्था गम्भिर रहेको वल्डोमिटरमा उल्लेख छ । ।

कोरोनाले सबैभन्दा बढी प्रभावित भएको अमेरिकामा मृत्यु हुनेको संख्या १ लाख नजिक पुगेको छ । पछिल्लो २४ घण्टामा थप ५ सय ४ जनाको मृत्यु भएसँगै मृत्यु हुनेको संख्या ९९ हजार ८ सय ५ पुगेको छ ।

पछिल्लो २४ घण्टामा १९ हजार ७ सय १८ जनामा संक्रमण पुष्टि भएसँगै कुल संक्रमितको संख्या १७ लाख ६ हजार २ सय २६ पुगेको छ । संक्रमितमध्ये ४ लाख ६२ हजार ६ सय ७० जना उपचारपछि निको भएका छन् ।