चीनको वुहानबाट शुरु भएको कोरोना भाईरस महामारीले सबैभन्दा धेरे प्रभावित भएको अमेरिकामा मृत्यु हुनेको संख्या १ लाख नाघेको छ ।

पछिल्लो २४ घण्टामा थप ७ सय ७४ जनाको मृत्युसँगै मृत्यु हुनेको संख्या १ लाख ५ सय ७९ पुगेको छ । पछिल्लो २४ घण्टामा १८ हजार ९ सय ६६ जनामा संक्रमण पुष्टि भएसँगै कुल संक्रमितको संख्या १७ लाख २५ हजार १ सय ९२ पुगेको कोरोना भाइरससम्बन्धी तथ्यांक अद्यावधिक गरिरहेको साइट वर्ल्डोमिटर्समा उल्लेख छ ।

संक्रमितमध्ये ४ लाख ७८ हजार ४ सय ७ जना उपचारपछि निको भएका छन् । उपचार गराइरहेका ११ लाख ४६ हजार २ सय ६ जनामध्ये १७ हजार १ सय ५३ जनाको अवस्था गम्भीर रहेको छ ।

विश्वका २ सय १५ देश र २ वटा पानि जहाजमा फैलिएको कोरोनाका कारण हाल विश्वलाई नै आक्रान्त पारिरहेको छ । अमेरिकामा मृत्यु हुनेको संख्या विश्वभर कोरोनाबाट मृत्यु हुनेको २८ प्रतिशतभन्दा बढी हो भने संक्रमितको संख्या विश्वभर संक्रमित हुनेको ३० प्रतिशतभन्दा बढी हो ।