एजेन्सी । भारत र चीनको विवादित क्षेत्र मध्येको एक लद्दाखमा भएको झडपमा २० जना भारतीय सेनाको मृत्यु भएको भारतीय संचार माध्यमहरुले जनाएका छन् । गद्दाखको गलवान क्षेत्रमा सोमबार राती भएको झडपमा परि २० जना भारतीय सैनिकको मृत्यु भएको थियो । भारत र चीनको बीचमा ४५ वर्षपछि यति ठूलो क्षति हुने गरी झडप वा तनाव भएको हो ।

भारतीय संचार माध्यमले जनाए अनुसार उक्त झडपमा गोली नचलेको जनाइएको छ । तर के गरेर यति ठूलो संख्यामा भारतीय सैनिकको मृत्यु भएको भन्ने कुरा खलाइएको छैन् । सोमबार दिनभरी भारत र चीनको सैन्य कमाण्डरबीच वार्ता भएको थियो । वार्तापछि दुबै देशका सैनिक गलवानको सुन्य डिग्री रेखा भन्दा पछि हटेका थिए । तर राती एकाएक चीनले आक्रमण गरेको भारतले जनाएको छ ।

भारतले चीनले एकतर्फी झुक्याएर आक्रमण गरेपछि भारतले जवाफी कारबाही गरेको जनाएको छ । ३ घष्टा भन्दा लामो समय सैन्य झडप भएको थियो । भारतले चीन तर्फ पनि क्षति भएको तर चीनले सूचना लुकाएको आरोप पनि लगाएको छ । तर चीनको परराष्ट्र मन्त्रालय वक्तव्य जारी गर्दै सबै समस्या वार्ताबाट समाधान गर्नुपर्नेमा जोड दिएको छ । तर लद्दाखमा भएको घटनाको बारेमा कुनै बिस्तृत जानकारी दिइएको छैन् ।

भारत सरकारका रक्षामन्त्री राजनाथ सिंहले चीनको बदला लिएरै छाड्ने जनाएका छन् । भारत निकै आक्रमक पोजिसन रहेको देखिन्छ । भारतमा सबै सुरक्षा निकायसँग नियमित आपतकलिन बैठक भइरहेका छन् ।
अहिले भारतको नेपाल पामिस्तान, चीन लगायतका देशहरुसँग सीमामा तनाब रहेको छ ।

Photo: BBC Hindi