विश्वभर महामारीको रुपमा फैलिएको कोरोना भाइरस संक्रमितको संख्या १ करोड ३९ लाख ४६ हजार ६ सय ३७ पुगेको छ ।
वर्ल्डोमिटरका अनुसार पछिल्लो २४ घण्टामा २ लाख ४८ हजार ३ सयभन्दाबढी संक्रमित थपिएका छन् । संक्रमितमध्ये ५ लाख ९२ हजार ६ सय ७७ जनाको कोरोना संक्रमणबाटै मृत्यु भएको छ ।
हालसम्म निको भएका ८२ लाख ७७ हजार ७ सय ४१ जनामध्ये २ लाख ३७ हजार १ सय भन्दाबढी पछिल्लो २४ घण्टामा डिस्चार्ज भएका छन् ।
कोरोनाबाट धेरै प्रभावित अमेरिकामा ३६ लाख ९५ हजार भन्दाबढी संक्रमित भएका छन् भने १ लाख ४१ हजार १ सय भन्दा बढीको मृत्यु भएको छ ।
यस्तै, कोरोना भाइरसकै संक्रमणबाट युरोपियन मुलुकहरूमा १ लाख ९८ हजार १ सय ६३ जना, उत्तर अमेरिकी मुलुकहरुमा १ लाख ९१ हजार ६ सय ७० जना, एसियाली मुलुकहरूमा ७५ हजार २ सय १ जना, दक्षिण अमेरिकी मुलुकहरूमा १ लाख १२ हजार सय जना, अफ्रिकी मुलुकहरूमा १४ हजार ३ सय ९९ जना र अष्ट्रेलियासहित ओसिनियाका मुलुकहरुमा १ सय ३५ जनाको मृत्यु भएको छ ।
यस्तै, ब्राजिलमा कोरोना भाइरसबाट सङ्क्रमित हुनेको संख्या २० लाख १४ हजार ७ सय ३८ पुगेको छ भने ७६ हजार ८ सय बढीको मृत्यु भएको छ ।
