छिमेकी मुलुक भारतमा कोरोना संक्रमितको संख्या १२ लाख ३९ हजार नाघेको छ ।
लगातार संक्रमितको संख्यामा बृद्धि हुदै आएको भारतमा पछिल्लो २४ घण्टामा अहिलेसम्मकै सर्वाधिक ४५ हजार ५ सय ९९ जनामा संक्रमण पुष्टि भएको छ । योसँगै संक्रमितको संख्या १२ लाख ३९ हजार ६ सय ८४ पुगेको छ ।
पछिल्ला पाँच दिनमा मात्रै १ लाख ९९ हजार १२७ जना संक्रमित भएका छन् । लगातार बढ्दो क्रममा संक्रमण देखिएको भारतमा यसअघि सोमबार एकै दिन अहिलेसम्मकै सर्वाधिक ४० हजार २४३ जनामा संक्रमण देखिएको थियो ।
संक्रमितमध्ये अहिलेसम्म ७ लाख ८४ हजार २ सय ६६ संक्रमणमुक्त भएका छन् भने ४ लाख २५ हजार ५ सय २८ जनाको उपचार भइरहेको छ ।
कोरोना संक्रमणकै कारण भारतमा पछिल्लो २४ घण्टामा १ हजार १ सय २० जनाको मृत्यु भएसंगै मृत्यु हुनेको संख्या २९ हजार ८ सय ९० पुगेको छ ।
