विश्वभर महामारीको रुपमा फैलिएको कोरोना भाइरस संक्रमितको संख्या २ करोड १६ लाख नाघेको छ । पछिल्लो २४ घण्टामा २ लाख ४८ हजार भन्दाबढीमा संक्रमण देखिएसँगै संक्रमित हुनेको संख्या २ करोड १६ लाख ४ हजार १ सय ९२ पुगेको छ ।

संक्रमितमध्ये १ करोड ४३ लाख २३ हजार १ सयभन्दा बढी उपचारपछि निको भएर घर फर्किएका छन् । यस्तै, कोरोना संक्रमणबाट पछिल्लो २४ घण्टामा ५ हजार १ सय बढीको मृत्यु भएसँगै मृत्यु हुनेको संख्या ७ लाख ६८ हजार ७ सय ३९ पुगेको वल्डोमिटरमा उल्लेख छ ।

संक्रमितमध्ये ६५ लाख १२ हजार भन्दाबढी विभिन्न अस्पतालमा उपचाररत छन् भने ६४ हजार ४ सयबढीको अवस्था गम्भीर रहेको छ ।
यस्तै, कोरोनाबाट सबैभन्दा बढी प्रभावित अमेरिकामा ५५ लाख २९ हजार ७ सय भन्दाबढी सङ्क्रमित भएका छन् । संक्रमितमध्ये २९ लाख बढी निको भएका छन् भने १ लाख ७२ हजार ६ सय भन्दा धेरैको ज्यान गएको छ ।

यस्तै, ब्राजिलमा कोरोना भाइरसबाट सङ्क्रमित हुनेको संख्या ३३ लाख १७ हजार ८ सय ३२ पुगेको छ भने १ लाख ७ हजार २ सय भन्दा बढीको मृत्यु भएको छ । संक्रमितमध्ये २४ लाख ४ हजार २ सय भन्दा बढी निको भएका छन् ।

यस्तै छिमेकी मुलुक भारतामा २५ लाख ८९ हजार २ सयभन्दाबढी संक्रमित भएको छन् भने ५० हजार बढीको मृत्यु भएको छ । संक्रमितमध्ये १८ लाख ६० हजार ६ सय भन्दाबढी उपचार पछि निको भएका छन् ।