काठमाडौं । चिनिया प्रहरीले चर्चित पप गायक क्रिश वुलाई बलात्कारमा संलग्न भएको आरोपमा पक्राउ गरेको छ । वुमाथि एक १९ बर्षिया एक विद्यार्थीले केही दिन अघि मात्र २ बर्ष अगाडि आफूलाई बलात्कार गरेको आरोप लगाएकी थिइन् । तर, गायक वुले आरोप अस्विकार गरेका छन् ।

एक दर्जन भन्दा बढी विश्व प्रतिष्ठित ब्रान्डहरुले यो घटना सार्वजनिक भएसँगै वुसँगको व्यापारिक संझौता अन्त्य भएको घोषणा समेत गरेका छन् । वुलाई आरोप लगाएकी विद्यार्थीले सामाजिक संजालमार्फत घटना सार्वजनिक गर्दै वुको घरमा आयोजना भएको पार्टीमा आफूलाई बोलाइएको बताएकी छिन् ।

उनले, आफूलाई मदिरा सेवन गर्न दबाब दिइएको र आफू बिहान उठ्दा वुको विस्तारामा रहेको उल्लेख गरेकी छिन् । तर, गायक वुलेले भने ती विद्यार्थीले मदिरा सेवन गरेको अस्विकार गरेका छन् ।

आफूले लोभ देखाएर कसैसँग पनि यौन सम्बन्ध नराखेको, अर्धचेत यूवतीलाई बलात्कार नगरेको र नाबालिकासँग यौन सम्बन्ध नराखेको पनि बयान दिएका छन् । उनले सामाजिक संजालमा लेखेका छन्–‘हामीविचमा यौन सम्बन्ध भएको थिएन । उनी नाबालिग पनि थिइनन् ।

’ वु केटाहरू सम्मिलित के पप समूह इएक्सओको सदस्यका रूपमा चर्चामा आएका थिए । सन् २०१४ मा उनले सफल एकल गायन, अभिनय, मोडलिङ र ट्यालेन्ट सोको निर्णायक बन्न उक्त ब्यान्ड छाडेका थिए ।