काठमाडौं । नयाँबानेश्वरस्थित संघीय संसद भवनअगाडि शरीरमा आगो लगाएर आत्महत्याको प्रयास गरेका पुरुषले व्यक्तिगत र पारिवारिक कारणले घटना गराएको खुलेको छ ।
आज इलाम पञ्चकन्याका प्रेमप्रसाद आचार्यले बानेश्वरको सडकमा आफैंलाई पेट्रोल खन्याएर आगो लगाएका थिए ।
अहिले उनको अवस्था गम्भीर रहेको छ । उनलाई उद्धार गरेर प्रहरीले बर्न अस्पताल कीर्तिपुर अस्पताल लगेका छन्। घाइते आचार्यका दाई पर्ने एकजना संसद् सचिवालयमै कार्यरत रहेको प्रहरी स्रोतले जनाएको छ ।
उनी नातामा आचार्यका मामाका छोरा हुन् । आचार्य नयाँ बानेश्वरमै बस्दै आएका थिए भने केही समयअघि वैदेशिक रोजगारीबाट फर्किएका थिए ।
