विराटनगर । सीमावर्ती क्षेत्रमा दुई समूहबीच झडप भएको छ । झडप हुँदा गोली चलेपछि एक जना घाइते भएका छन् ।
स्रोतका अनुसार नेपाल–भारत सीमा क्षेत्र दरैया नाका नजिकै भारतको जोगबनी–४ टिकुलिया बस्तीमा दुई समूहबीच गोली हानाहान भएको हो ।
प्रहरी स्रोतका अनुसार सोमबार बिहान ४ बजे भारतीय लागूऔषध कारोबारीबीच गोली हानहान भएको थियो ।
एउटा समूहको प्रहारबाट अर्को समूहका सदस्य टिकुलिया वस्तीका ३७ वर्षीय अंकित सिंह घाइते भएका छन् । उनको मुखमा गोली लागेको छ ।
भारतीय नागरिक सिंहको विराट नर्सिङ्ग होममा उपचार भइरहेको छ । सिंह खतरामुक्त रहेको अस्पतालले जनाएको छ ।
गोली प्रहार गर्ने र घाइते दुवै लागूऔषध कारोवार गर्ने गिरोहका सदस्य रहेका प्रहरी स्रोतले बताएको छ । उक्त घटना
भारतीय क्षेत्रमा भएका कारण नेपाल प्रहरीले प्रतिक्रिया भने जनाएको छैन ।
