काठमाडौं । नक्कली भुटानी शरणार्थी प्रकरणमा ठगीको मुद्दामा मुछिएपछि नेकपा एमालेले सचिव टोपबहादुर रायमाझीलाई निलम्बन गरेको छ ।
एमाले महासचिव शंकर पोखरेलले बुधबार विज्ञप्ति जारी गर्दै रायमाझीलाई निलम्बन गरिएको जानकारी दिएका छन् ।
विज्ञप्तिमा अनुसन्धानको टुंगो नलागेसम्मलाई निलम्बन गरिएको उल्लेख छ ।
रायमाझीविरुद्ध प्रहरीले पक्राउ पुर्जी जारी गरेको छ । उनी फरार छन् । उनका छोरा सन्दीपलाई भने प्रहरीले पक्राउ गरिसकेको छ ।
