आज देशका पहाडी भूभागका केही स्थानमा चट्याङसहित पानी पर्ने सम्भावना छ।
मौसम पूर्वानुमान महाशाखाका अनुसार तराईका केही स्थानमा पनि हल्का वर्षासँगै हावाहुरी चल्न सक्छ ।
काठमाडौं उपत्यकामा भने आज पानी पर्ने सम्भावना छैन । आज आंशिकदेखि सामान्य बदली हुने छ। काठमाडौंसँगै देशभरको मौसममा सुधार आइरहेको महाशाखाले जनाएकाे छ।
तराईका केही जिल्लामा हावाहुरीको सम्भावना रहेकाले पूर्वसतर्कता अपनाउन आग्रह गरिएकाे छ। राति पनि पहाडका केही स्थान र तराईका थोरै स्थानमा हल्का वर्षा हुने पूर्वानुमान छ।
हाल देशमा पश्चिमी वायुका साथै स्थानीय वायुको सामान्य प्रभाव छ।
