विराटनगर । अन्ततः कोशी प्रदेश सरकार ढलेको छ । मुख्यमन्त्री हिक्मतकुमार कार्कीले प्रदेशसभाबाट विश्वासको मत पाउन नसकेपछि सरकार ढलेको हो ।

सरकारमा सहभागी दलहरुले समर्थन फिर्ता लिएपछि विगत एक महिनादेखि अल्पमतमा रहेको कोशी सरकारका मुख्यमन्त्री कार्कीले आज पुनः विश्वासको मत मागेका थिए । जसमा उन को पक्षमा ४६ मत परेको थियो । विपक्षमा भने ४३ मत परेको थियो । आज ९३ मध्ये ८९ सदस्य उपस्थित रहेका थिए ।

एमाले र राप्रपाका गरि ४६ सांसदहरू सरकारको पक्षमा देखिए भने बाँकी दलहरु विपक्षमा देखिएका थिए । ९३ सदस्यीय कोशी प्रदेशसभामा एमालेका ४०, कांग्रेसका २९, माओवादी केन्द्रका सभामुखसहित १३, राप्रपाका ६, नेकपा एसका ४ र जसपाका एक सांसद छन् । यहाँ सरकार बनाउन ४७ सिटको आवश्यक पर्छ ।