काठमाडौँ । भुटानी शरणार्थी प्रकरणमा १५ लाख धरौटी तिरेर छुटेका काठमाडौँ–३० असनका केशव तुलाधरलाई पुनः प्रहरीले नियन्त्रणमा लिएको छ ।
जिल्ला प्रहरी परिसर काठमाडौँका अनुसार बालुवाटार स्थित ‘ललिता निवास क्याम्प’को जग्गा हिनामिना प्रकरणमा संलग्न रहेको आरोपमा उनलाई पुनः नियन्त्रणमा लिइएकाे हाे ।
जिल्ला अदालत काठमाडौँका न्यायाधीश माधव प्रसाद घिमिरेले आइतबार तुलाधरलाई १५ लाख धरौटीमा छाड्न आदेश गरेका थिए । भुटानी शरणार्थीको कोटामा अमेरिका पठाउने नाममा ठगेको मुद्दामा अदालतले उनीसँग १५ लाख धरौटी मागेको थियो । उनले उक्त धरौटी बुझाइसकेका छन् । उनी धरौटी बुझाउनासाथ पुनः पक्राउ परेका हुन् ।
