काठमाडौं । सामाजिक सञ्जाल फेसबुकमा नगर प्रमुखकाविरुद्धमा लेख्दा एक युवक प्रकाउ परेका छन् ।
मोरङको रतुवामाई नगरपालिकाका मेयर नागेश्वर सिंहलाई सामाजिक सञ्जाल फेसबुकमा गालीगलौज गरेको आरोपमा सोही नगरपालिका वडा नम्बर ४ का युवा सुनिलकुमार सिंहलाई बुधबार प्रहरीले पक्राउ गरेको हो ।
इलाका प्रहरी कार्यालय सिजुवाले मेयरलाई फेसबुकमा गाली गरेपछि उनलाई पक्राउ गरिएको जनाएको छ ।
‘मेयरविरुद्ध फेसबुकमा विभिन्न कुरा लेखेको भनेर उजुरी आएपछि पक्राउ गरेका छौँ’, प्रहरीले भने ।
तर सिंहले फेसबुकमा लेखेको कुराबारे उनले जानकारी दिएनन् । ‘स्टाटस हटाइसकेकाले के लेखेको भन्ने थाहा भएन,’ गिरीले भने, ‘मेयरले भनेपछि पक्राउ गरे अनुसन्धान गरिरहेका छौँ ।’
मेयर सिंहले पक्राउ गरेर ल्याउन निर्देशन दिएपछि ती युवकलाई बुधबार बिहान घरबटै पक्राउ गरिएको हो ।
