दाङ । प्युठानको झिमरुक गाउँपालिका- ३ स्थित पिप्लारुख भन्ने स्थानमा आमा छोरा जङ्गलमा मृत फेला परेका छन्। ३४ वर्षीया विष्णा खड्का र उनका २१ वर्षीय छोरा विशाल खड्का मृत अवस्थामा भेटिएका हुन् ।
घरदेखि करिब डेस सय मिटर नजिक जङ्गलको काफलको एउटै बोटमा आमा छोरा झुन्डिएको अवस्थामा फेला परेको झिमरुक गाउँपालिका वडा नम्बर ३ का वडा अध्यक्ष मीनबहादुर केसीले जानकारी दिए ।
घटनास्थलमा प्रहरी पुगेको छ । अहिले प्रहरीले स्थानीयको रोहवरमा मुचुल्का उठाउने काम भैरहेको वडा अध्यक्ष केसीले बताए । मृतक विष्णाका श्रीमान् मजदुरीका लागि भारतमा छन् । घटना बारे अनुसन्धान भैरहेको प्रहरीले बताएको छ ।
