धादिङ । एक बालिकालाई ०७८ साउन ५ गते बलात्कार गरेको आरोपमा पक्राउ परेका आरोपितलाई १८ वर्ष कैद गर्ने फैसला भएको छ ।
जिल्ला न्यायाधीश गोपाल प्रसाद बास्तोलाको इजलासले धादिङको गजुरी गाउँपालिका वडा नम्बर ७ निवासी कृष्णबहादुर तामाङलाई ११ वर्षिया बालिका बलात्कार गरेको ठहर गर्दै जिल्ला अदालतले १८ वर्ष कैद गर्ने फैसला सुनाएको जनाइएको छ ।
बास्तोलाको इजलासले माघ २९ गते कसुर कायम गरेका दिए भने फागुन १० गते कसुरदारलाई अपराध संहिता २०७४ को २१९ को ३ (ख) बमोजिम १८ वर्ष कैद गर्दै ६ लाख रुपैयाँ जरिवाना गर्ने फैसला गरेका जिल्ला अदालतका श्रेस्तेदार माधव भण्डारीले जानकारी दिएका छन् ।
जिल्ला अदालतको फैसला बमोजिम कसुरदारबाट असुल गरिएको जरिवानाबाट पीडितलाई ६ लाख रुपैयाँ क्षतिपूर्ति दिने उल्लेख छ ।
पीडित पक्षबाट जिल्ला प्रहरी कार्यालयमा उजुरी गरिएकोमा साउन २९ गते जिल्ला अदालतमा जिल्ला प्रहरी कार्यालय मार्फत उजुरी दर्ता भएको थियो । १० पटकको पेसीपछि मुद्दा फैसला भएको छ ।
