काभ्रे । काभ्रेको धुलिखेल नगरपालिका वडा नम्बर-४ श्रीखण्डपुरमा ढलभित्र छिरेर बेपत्ता भएकी महिला मृत भेटिएकी छिन् ।मृत्यु हुनेमा रामेछापको खाडादेवी गाउँपालिका–३ घर भई पनौती नगरपालिका–५ नैकिनटार बस्ने ५० वर्षीया भगवती भागदास रहेकाे प्रहरीले जनाएकाे छ । उनी मंगलबार ढलको मकलभित्र छिरेर बेपत्ता भएकी थिइन् । बाटो हिंड्दा वर्षाका कारण उनी ढलभित्र छिर्न पुगेकी हुन् ।
खोजतलास गर्ने क्रममा बगाएको ठाउँबाट अन्दाजी ३ सय मिटर तल उनको शव भेटिएको जिल्ला प्रहरी कार्यालयका प्रवक्ता डीएसपी राजकुमार श्रेष्ठले बताए ।
