अमेरिका । फेसबुकको कार्यालयमा काम गर्ने एकजनामा कोरोना भाइरसको संक्रमण भएको पुष्टी भएको छ । कर्मचारीमा कोरोना भाइरसको संक्रमण भएसँगै शियाटलमा रहेको फेसबुकको कार्यालय हप्ताभर नै बन्द गरिने भएको छ ।

वासिंटन राज्यको शियाटल स्थित फेसबुकको कार्यालयमा काम गर्ने एकजनामा कोरोना भाइरसको संक्रमण भएको हो । 

ती कर्मचारी अन्तिमपटक फेसबुकको शियाटलमा रहेको स्टेडियम ईस्ट अफिसमा फरबरी २१ मा गएका थिए ।

फेसबुकले शियाटलमा रहेका आफ्ना कर्मचारीहरुलाई यो महिनाको अन्त्यसम्म नै घरबाटै कामगर्न प्रोत्साहित गरेको छ ।

अहिलेसम्म विश्वभर कोरोना भाइरसको संक्रमणबाट ३२ सयको मृत्यु भइसकेको छ भने संक्रमितको संख्या ९५ हजार नाघेको छ ।