विश्वव्यापी महामारीको रुपमा फैलिएको कोरोना भाइरसको संक्रमणबाट भारतमा मृत्यु हुनेको संख्या १ हजार २ सय २३ पुगेको छ ।

भाइरस संक्रमितको संख्या ३७ हजार ७ सय ७६ पुगेको स्वास्थ्य मन्त्रालयले जनाएको छ। गएको २४ घण्टामा कोरोनाका कारण १ सय जनाले ज्यान गुमाएसँगै मृतकको संख्या १ हजार ३ सय २३ पुगेको हो ।

२६ हजार ६ सय ३५ जनाको विभिन्न अस्पतालमा उपचार भइरहेको छ भने १० हजार भन्दाबढी जना उपचारपछि निको भएर घर फर्किएका छन । सार्क मुलुकमा पनि भारत भन्दा बढी कोरोना प्रभावित मुलुकको रुपमा देखिएको छ ।

यस्तै भारतीय लोकपालका न्यायिक सदस्य अजय कुमार त्रिपाठीको कोरोना संक्रमणबाट शनिबार राति मृत्यु भएको छ ।

अप्रिल दुई तारिखमा स्वास्थ्यमा समस्या आएपछि ६२ वर्षीय त्रिपाठीलाई दिल्लीको एम्स अस्पतालमा भर्ना गरिएको थियो ।